Son usuario agradecido dos Mac, forzado de Windows e con intención de ir pasando a linux. Como uso os ordenadores para traballar non podo polo de agora prescindir de ningún. E estou tentando conseguir un triple boot nun macbook pro recen mercado usando Galinux como o Ubuntu (xa hai bastantes experiencias de triple boot con ubunto na rede pero nada con Galinux).
O caso e que cando chego a parte na que preciso inserir o cd de arranque de Galinux pois ...non sei que facer: o LiveCD non vai (cando intento iniciar dende o disco atoase, creo que, no recoñecemento dunha unidade de disco externo e non pasa, dando un erro e obrigándome a apagar o ordenador); a versión para windows e un .exe que non me vai servir posta nun cd; o instalador universal avisa de que non pode convivir con outros sistemas no mesmo disco xa que debe escreber o MBR.
A pregunta sería se hai algunha forma de crear un cd/dvd que sirva para este propósito.
Por se alguén lle interesa estou seguindo os pasos que dan en manzanitaq. wordpress.com.
Graciñas

Boas Felipe,

Estiven a ler isto, supoño que son esas as instrucións ás que te refires.

Ben, sen poder probalo (non teño ningún mac á man, síntoo), paréceme que esas mesmas instrucións deberían valer para Galinux igual que para Ubuntu. E, polo que parece, o "disco de ubuntu" ao que se refire é, en efecto, o live-cd.

Que versión de Galinux estás a empregar? comprobaches que o cd que estás a usar funcione correctamente? (igual está o disco defectuoso, non sei. Dígoo para ir sacando de diante os problemas básicos e tal).

De todas formas, se non consegues instalar Galinux, sempre habería un "plan B": Instalar Ubuntu, e convertelo despois en Galinux

Isto é sinxelo: engades os repositorios de Mancomún, tal como se explica aí arriba, e despois instalas o paquete "galinux" ("sudo aptitude install galinux")

Moitas grazas por respostar, jchaves.
Efectivamente, as instrucións son as que leiches.
Intentei facer varios liveCD. As versións de Galinux coas que probei eran a 9.4, 9.4.1 e 9.4.2 (digo que eran estas porque a imaxe que se descargaba viña con estas terminacións). unha delas e a que se descarga de edu.xunta.es (accedendo dende a páxina de galinux.org; outra veu de mancomún e xa non me lembro da terceira. A grabación do disco fíxena ben, grabando como imaxe iso. Fixeno con dous CDs e un DVD.
É unha mágoa que non saiba como copiar a mensaxe coa que termina o proceso de arranque do sistema dende o liveCD (un listado estilo DOS) pero doume a impresión de que non é capaz de recoñecer unha unidade lectura de discos. Aí desiste de seguir "tomando o control", queda cun guión baixo piscando e so podo continuar apagando o portátil mantendo a tecla de arranque apretara durante varios segundos e volvendo a encender.
Por certo que a instalación de windows queda inutilizada no proceso (xa o sabía pero o non poder seguir non o podo corrixir ... non sendo que volva ó principio: eliminar particións, bootcamp, reinstalar windows ...).
Pensei no de primeiro Ubuntu e despois Galinux so que se xa me resulta complexo o proceso da forma aparentemente simple, non sei o que poderá pasar se o fago con máis pasos. Avánzoche que nunca usei o terminal e que e unha ferramenta á que lle teño, directamente, medo. Xa levo uns aniños coidando os meus ordenadores sen ningún técnico que me axude "en directo", pero ... o do terminal ... asusta.
Ben, voulle dar outras voltas volvendo a grabar varios liveCD máis a ver que pasa e xa che contarei.
Supoño que a descarga .exe non será executable dende windows sen ter que arrancar dende o CD? Porque se fora así sería outra alternativa (non sei por donde leín que galinux pode instalarse dende windows sen máis nada que un executable, pero como non mo acabo de crer pois o deixo como hipótese de proba final).
Graciñas outra vez, vou perder un par de horas outra vez e xa contarei.

As versións eran en realidade 1.4, 1.4.1 e 1.4.2.

Vou por a mensaxe que sae cando renuncia a arrancar co LiveCD por se serve de algo:

"Fatal error occured.
LiveData not found. Searching for livecd.sgn file, but file not found. You are maybe using un unsupported boot device (e.g. SCSI or PCMCIA CD-ROM). Try to copy all data from CD/USB to your IDE hard disk, for example .... (omito). Then Boot again"

Hai un par de liñas máis e despois para. Da igual que use o modo "1 normal" que o modo "2 normalcd".

Leo inglés pero o que di non me encaixa. Fala de que uso un "aparello de arrinque non soportado". Como este mesmo ordenador xa funcionaba con galinux como único e exclusivo sistema ... pois non debe ser iso xa que lía moi ben os discos de instalación de OSX.

Ola:

Creo que te equivocas coa URL de descarga do Galinux.

Para descargar o Galinux de Mancomún tes que ir á seguinte ligazón:

http://galinux.mancomun.org

ou desde

http://www.galinux.com/.

Desde a ligazón que nos indicas (galinux.org) o que se pode descargar é galinux-slax.
Que é Galinux-Slax

Pois si.

De feito descargando a de mancomún (655Mb fronte os 191Mb do Galinux-Slax) xa puiden instalar o Galinux. Polo de agora coexiste só co OSX (porque a instalación de Windows quedou tocada polo camiño). Espero non ter que refacelo todo ... pero polo menos xa sei que hai unha vía aberta.

Graciñas.

Un comentario máis. Alguén debería darlle algunha volta a isto de Galinux e Galinux-Slax, etc..., porque ... non son un crío, xa levo uns anos con ordenadores e despois de lerme toda canta páxina atopei sobre o tema xa vedes o que me pasou.

Ata outra.