Boas,

problema:
teño unha folla de cálculo (calc) con dúas follas:
-a primeira ten que imprimirse en vertical (1 A4)
-a segunda ten que imprimirse en horizontal (1 A4)

pregunta:
existe a posibilidade de configurar por separado a impresión das dúas follas?
Neste momento, para imprimilas, o que fago é poñerme na primeira e imprimir a folla, e logo poñerme na segunda, configurar a páxina para horizontal e imprimir a segunda. O que me interesa sería non ter que facer este cambio cada vez que quero imprimir.

un saúdo

Boas,

antes de nada comentarche que o foro do OpenOffice.org de Mancomún pretenden ser un foro para resolver problemas técnicos da instalación ou configuración do OpenOffice.org en galego e non tanto "como se fai tal cousa". Aínda que respondemos cousas de uso moi básicas, nós non somos expertos no uso do OpenOffice.org e polo tanto non podemos dar un soporte de uso avanzado.

Neste caso, cremos que para solucionar o teu problema debería chegar con aplicarlle un estilo de páxina diferente a cada unha das follas do teu documento.
Para aplicar os estilos de páxina debes ir ao menú Formato - estilos e formatado e na ventá que se abre ir ao separador de estilos de páxina (a segunda icona da parte superior esquerda).

Para máis detalles sobre o uso de estilos en openoffice.org recomendámosche o seguinte manual que está dispoñible na nosa sección de descargas:

Traballando con estilos

Esperamos terche sido de axuda.

Un saúdo

graciñas, a solución dos estilos funciona perfectamente. A verdade é que non se me ocorrera, só teño utilizado estilos en documentos de texto e nunca en follas de cálculo, pero funciona igualmente, claro.

E agora, en vista a non abusar do foro con consultas deste tipo... coñecedes algún foro en galego que se "mova", digoo para ter algún de referencia.

un saúdo