Boas.

Instalei o Golfiño v1.0 no OpenOffice.org v2.2. Instalouse aparentemente ben e de feito aparéceme a barra de ferramentas do Golfiño no OpenOffice.org. Pero cando premo sobre o botón para poñelo en marcha resulta que non fai absolutamente nada. Por se serve de algo, informo que teño un procesador AMD Athlon 1GHz, 768MB de memoria RAM e 50GB libres en disco duro. Estiven a ler nas preguntas frecuentes sobre o Golfiño que se recomenda ter un procesador "Pentium IV (con hiperthreading)" para a instalación. Pode ser ese o problema, unha incompatibilidade co meu procesador? De non ser así, cal é o problema?

Un saúdo e grazas por adiantado.

Ola neno80:

Aínda que se recomenda un Pentium IV con hiperthreading, funciona no procesador que especificas aínda que diminúe o rendemento.

O que si necesitariamos para poder axudarche, e que nos dixeras que sistema operativo estás a usar e máis que versión de Java tes instalada e configurada no OpenOffice.org.

Saúdos

Mensaxe editada por: fjrial, o: 2007/11/28 12:59

A min pásame o mesmo.
Emprego OpenOffice 2.3 en inglés (por se pode ter que ver :P), Win XP, un Athlon 3800 e 2gb de RAM.
Tamén teño Java, tanto a 1.6 como a 1.5 (mais selecionada a 1.5, como di o manual de instalación).
Instaloo, todo vai perfecto mais cando premes en Golfiño non pasa nada. Non me pasa a min so, pásalle a todo o mundo ó que lle pasei OpenOffice 2.3 e Golfiño.

Por certo, en 2.2 funcionaba correctamente.
Saúde

Ola. Eu estou na mesma. Onte instalei o golfiño no open office 2.3. Engadin a versión java 1.5.11. No xestor de extensións me di que todas as bibliotecas java están activas, pero o golfiño non traballa.
Teño un portátil compaq presario v4000.
Moitas grazas.

Ola:

Parece ser que nesta última versión houbo algúns cambios no contorno interno de Java do OpenOffice.

Isto provoca que deixe de funcionar o Golfiño nesta versión 2.3.

Estamos traballando agora mesmo para tratar de solucionar este problema ademais de facer compatible o Golfiño coa rama de Java 1.6.*

En canto estea solucionado avisaremos.

Saúdos.

entendido. grazas pola resposta.

Desculpas pola tardanza. Pensei que me ían notificar as respostas por correo electrónico e por iso non me enterei antes... Ao ver o fío xa me entero de que haberá que agardar a que se corrixa ese problema de incompatibilidade con Java.

De todos modos, quería precisar que eu tamén teño instalado o OpenOffice.org v2.3 (e non v2.2 como dicía na miña primeira mensaxe, por equivocación). A miña versión de OpenOffice.org é en galego e a versión de Java que teño instalada e configurada no OpenOffice.org é v1.6.0_02.

Pois máis nada. Grazas por toda a información.

Deixou de funcionar o Golfiño?

Non detecta os erros no OOo 3.1.

Nun texto con erros di que todo está correcto.

Versión Windows con Java 1.6_10

Teño instalado o Openoffice 3.3. Ao instalar o Golfiño 1.1 dame o erro "Produciuse un erro durante a instalación. É posible que o OpenOffice estea abedrto ou que a configuración de java do OpenOffice non sexa a requerida. Para máis información consulte as instrucións de instalación".
Teño pechado o Openoffice, tanto o programa como o acceso directo. Teño instalado o Java 6 Update 27 e o meu ordenador ten o Windows XP Home SP3.
Cal pode ser o problema?

Estimado Francisco

O golfiño tiña como requerimentos OpenOffice 3.0 coa versión 1.6.0_10 de java. É posible que co paso a OpenOffice 3.0 e co cambio de versión de Java teña deixado de funcionar como ocorreu en versións anteriores. (Segundo se pode ver neste mesmo fío do foro)

Como pode verse na páxina do golfiño na Forxa, o proxecto leva sen actividade dende practicamente mediados do ano 2008, precisamente cando se publicou a última versión que arranxaba os erros que facía que non funcionase en Ooo 3.0. Logo disto consultouse coa comunidade cal debería ser o futuro do proxecto, fundamentalmente porque OpenOffice por aquel entón estaba en proceso de integrar outro motor de corrección gramatical e tamén estaban a producirse cambios na biblioteca Freeling na que se basea Golfiño.
A idea máis apoiada foi a de traballar na integración de regras gramaticais para o idioma galego no novo motor de OOo aproveitando, se era posible, o traballo previo do Golfiño.

A día de hoxe, existe unha extensión para OpenOffice/LibreOffice que está a ter desenvolvemento activo: trátase de LanguageTool que é sinxela de instalar e ten implementadas varias regras para o noso idioma.

Recomendámoslle tamén como referencia a páxina do proxecto de localización ao galego de OpenOffice onde recollen, ademais da información sobre as novas versión das suites e como colaborar na tradución, ligazóns a este tipo de ferramentas para a galeguización da suite ofimática libre.

Agardamos terlle sido de axuda.
Un cordial saúdo.