Estou utilizando Linux Ubuntu 6.10 e instalei openoffice galego 2.1. Ata agora todo funciona menos o seguinte:
En impress cando seleccionamos un obxecto e engadimos unha animación personalizada, (por exemplo, aparecer), despois de aceptar, escollemos opcións e en son engadimos un son calqueira (por exemplo, apert2) e ocorre que non reproduce o son. Podemos probalo directamente nesa última pantalla facendo clic no triángulo negro e aparece un aviso que di o seguinte:
"Openoffice.org require unha contorna de execución de java (JRE) para realizar esta tarefa. O JRE seleccionado está defectuoso. Elixe outra versión ou instalar un novo JRE e seleccionao no menú Ferramentas - Opcións - Openoffice.org - java"

Esto non pasa coa versión 2.04. Probei a instalar Sun java pero segue sen funcionar. ¿Hai que instalar algún JRE específico? ¿Onde conseguilo?

Ola fgspon:

Gracias por reportarnos este erro. Non tiñamos constancia deste erro nesta versión e igual pode ser debido a unha mala compilación pola nosa parte.

Agora está a piques de saír a futura versión 2.2 (sae ao longo deste mes, se non hai demoras) e xa será compilada directamente por SUN e distribuída ás distintas distros de Linux e esperemos que este erro xa esté solucionado.

Ademais procuraremos preguntar nas listas de desenvolvedores de OpenOffice.org polo problema a ver se nos poden dar algunha solución.

Moitas gracias polos teus comentarios.
Mancomun.org