Boa tarde!

Velaí vai a típica pregunta de novato:

Quero iniciarme no desenvolvemento de software para aprender a facer pequenos programiñas (tipo http://hacha.org/ ) e poder así automatizar na medida do posible algunhas tarefas que teño que levar a cabo no ordenador da oficina.

As únicas experiencias que teño neste sentido, se é que se poden chamar así, foron co mítico Basic hai tropecentos anos e algo de Visual Basic (6, creo) hai bastante tempo tamén. Pero, vaia, a un nivel moi básico.

Logo o carallo é eu quero aprender a programar empregando linguaxes e ferramentas libres, e queríavos preguntar se me podedes ofrecer algunha suxestión.

(NOTA: Na oficina traballo 100% con Windows XP Profesional e na casa, de momento, tamén)


Xa me teñen recomendado Java, JavaScript, Python e C#, pero inda non teño criterio para elixir un ou outro. Vós que opinades?

Graciñas!

Ola:

A título persoal paréceme máis interesante aprender un framework potente como Qt:

http://trolltech.com/products/qt/

que che permite traballar sobre Java, C++,... e para múltiples plataformas (*nix, windows, mac, ..).

Saúdos