Hola,
Acabo de montar un TPV para unha tenda de alimentación co LibrePOS, pero estame a dar problemas coa impresora. A impresora é unha STAR TSP100, e o que lle pasa e que imprime ben os tickets pero saca máis papel do debido o final do ticket. A parte, non abre o caixón das moedas o imprimir o ticket. Estiben mirando a configuración da impresora no panel de control e no programa de configuración que trae a mesma pero non din atopado o problema. Necesitaba saber se hai algunha maneira de recortar o ticket o tamaño necesario para cada venta e se hai algunha maneira de arranxar o do caixón das moedas.

Si vos sirve de algo, a impresora vai por porto USB e o caixón das moedas abre dende o programa de configuración pero non dende o librePOS.

Tamén queria saber se hai algun archivo para cambiar a galego o idioma do novo Openbravo POS 2.0.

Gracias de anteman.

Ola Iago:

Sobre o da impresora temos que mirar o tema en profundidade... igual coa nova versión de Openbravo POS 2.00 xa está arranxado o problema.

E sobre o novo Openbravo POS, dicirche que este xa inclúe por defecto o idioma galego, e arrinca por defecto se o idioma do sistema operativo é o galego.

De todas maneiras, podemos forzalo a que arrinque en galego modificando unha liña do script que lanza o arranque do mesmo.

Para iso editamos o start.bat ou start.sh (segundo si usamos windows ou linux) e buscamos a liña final do mesmo que comeza con:

Windows: "start /B javaw ..."
Linux: "java ..."

e engadimos os seguintes parámetros:
" -Duser.language=gl -Duser.region=ES "

con isto estamos forzando a que o programa arrinque en lingua galega.

Proba coa nova versión para ver se o funcionamento da caixa é o adecuado e podes axustar o uso do papel da impresora.

Unha vez probes a nova versión, coméntanos o resultado e se segues tendo problemas, miramos como solucionalo.

Un saúdo,
Mancomun.org

Hola:

Xa conseguín configurar a impresora de tickets e o caixón de moedas. A impresora de tickets que teño e unha "Star TSP100", e polo tanto no programa sempre seleccionaba a marca "Star" no modelo de impresora. Sen embargo probei a cambiar a marca por unha "Epson" e funcionou a primeira. Solucionaronse os problemas dos tickets e da apertura do caixón.

Por outro lado, non fun capaz de cambiarlle o idioma ó Openbravo POS 2.0 como me dixestes. Teño o Windows XP Home co paquete de idioma en galego, pero non me sae por defecto o programa en galego. E dentro da configuración do programa saen case todos os idiomas, pero sen embargo o galego non aparece.

Gracias pola axuda.
Un saudo.

Ola Iago,

para poñer o Openbravo POS en Galego tes que seguir estes pasos:

1º Editar o ficheiro start.bat e na ultima liña cambiar

start /B javaw -cp %CP%

por

start /B javaw -Duser.language=gl -Duser.region=ES -cp %CP%

2º Despois executar o configure.bat e na lista de desplegable do apartado localización escoller (System default)

3º Por último executar o start.bat, xa debería arrincar en galego.

Nesa lista xa debería saír o galego, foi un erro que xa foi detectado e notificado ao creador do Openbravo POS.

Saúdos

Ola, a solución recomendada por Adrian Romero para poñer o Openbravo POS en galego, sería editando o ficheiro openbravo.properties no home do usuario que execute a aplicación, por exemplo:

C:\Documents and Settings\Usuario\openbravo.properties

E na liña que pon user.language= engadir gl, do seguinte xeito:

user.language=gl

Saúdos