Cómpre lembrar que o actual Parlamento gastou máis de 208.000 euros en comprarlle a cada deputado un portátil equipado con aplicacións propietarias, a pesar de que tanto PSdG como BNG incluían medidas a prol das ferramentas abertas nos seus programas electorais. A hexemonía de Microsoft na Cámara galega podería así rematar co plan anunciado. Agora ben, o grao de introdución dos programas libres non foi detallado aínda, pois fontes do hemiciclo só indicaron que será "progresiva e en diversos ámbitos".

Un dos obxectivos da renovación tecnolóxica do Parlamento será "acadar unha maior participación cidadá na Cámara autonómica". Ademais, o plan estará guiado polos principios de "accesibilidade, profesionalidade, participación pública, apertura e relevancia".

De cumprir o adiantado neste proxecto, o Parlamento sintonizará coas recomendacións do Plan Estratéxico Galego para a Sociedade da Información, documento que guía a política de novas tecnoloxías da Xunta.

 

Fonte: Vieiros