Mancomun.org participou na celebración do Día Mundial da Liberdade do Software (Software Freedom Day) sendo patrocinador oficial deste evento que se celebra en máis de 80 países do mundo e serve para difundir os beneficios do Software Libre para a educación, as empresas, a administración e os usuarios en xeral. O Software Freedom Day tivo lugar o pasado sábado día 15. En Galicia GALPon acolleu unha churrascada en Vigo para conmemorar tan sinalada data.

 

Software Freedom International coordina a celebración deste evento que se realiza a traves de grupos de voluntarios de todo o mundo. Outros patrocinadores oficiais do evento son Google, Canonical, a Free Software Foundation, o grupo de usarios danés de Unix e Mindtouch .