| Máis colexios catalans terán Software Libre nos seus computadores o vindeiro ano |
|
|
|
| escrito por mancomun.org o Venres, 04 de Abril do 2008 | |
|
Preto dun centenar de escolas de Cataluña poderán utilizar o próximo curso 2008-09 a distribución Linkat nos seus computadores, sistema ideado para o seu uso nos centros educativos e que é gratuíto.
O departamento de Educació informou de que o uso deste programa estenderase a partir do próximo mes de setembro, despois de que no curso actual sexa posto a proba como proba piloto nunha vintena de colexios. O sistema Linkat GNU/Linux dispón dunha serie de características e aplicacións que o converten nunha ferramenta idónea para traballar nos centros, xa que inclúe aplicacións de ofimática, multimedia, Internet e xogos, entre outros, segundo informou a consellería de dirixe Ernest Maragall. Unha das principais vantaxes de incorporar o sistema Linkat é que supón un aforro económico para os centros, xa que evita a compra de licenzas legais doutros programas informáticos. Fontes: Lavanguardia.es    Artigos relacionados
|
