O Instituto de Ensino Medio Martín Vázquez de Arce instalou GNU/Linux nos ordenadores que lle dera hai uns anos a Junta de Castilla La Mancha co fin de poder seguir traballando neles.

O director do instituto Juan Carlos Goicoechandía, nunha entrevista nun medio local contou os pormenores de esta migración.

Segundo comentou, non foi unha iniciativa da Junta de Castilla La Mancha, senón unha idea que xurdiu no propio instituto, aínda que até agora están a empregar Molinux (distribución creada pola Junta).

Con este cambio, que en principio non requiriu unha formación especial nos docentes polas súas semellanzas co sistema gráfico anterior, preténdese tanto aforrar custos como ter todas as licenzas dos programas e poder dalos aos alumnos.

Ligazón orixinal: el afilador

---

Artigos relacionados

• Todas as escolas rusas empregarán software libre
• O Ministerio de Exteriores Alemán migra os seus 11.000 computadores a Linux
• As escolas británicas practicarán a docencia cun escritorio intelixente virtual baseado en SwL
• Educadores de Europa e Iberoamérica analizan en Santiago o papel do SwL no ámbito educativo
• Aberta a inscrición de relatorios e participantes ao encontro en liña EDUSOL 2008