| Andalucía aposta polo Software Libre na implantación de servizos e-Administración nos concellos |
|
|
|
| escrito por Mancomún o Luns, 04 de Agosto do 2008 | |
|
A Consejería de Innovación, Ciencia e Empresa de Andalucía vén de poñer en marcha a terceira convocatoria da Orde de Incentivos TIC dirixida ás Administracións Locais. Esta medida, que ten como principal obxectivo impulsar a implantación de novos servizos electrónicos nos concellos andaluces, priorizará todas aquelas propostas baseadas en código aberto, favorecendo a reutilización dos servizos e a cooperación entre as distintas administracións a través dun repositorio de software específico para as mesmas. A convocatoria conta cun orzamento total de 11,2 millóns de euros, que estarán destinados a apoiar proxectos presentados por concellos, mancomunidades e deputacións provinciais de Andalucía relacionados coa implantación e construción de servizos electrónicos de i-Administración; a produción de contidos dixitais e a modernización de portais web; a investigación, desenvolvemento e innovación (I+D+I) no eido local, os servizos de formación e a mellora da calidade de procesos. Fonte: Foro Innovatec   Artigos relacionados
|
