Plone é un Sistema de Xestión de Contidos, CMS polas súas siglas en inglés (Content Management system), baseado en Zope (que conta cun gran apoio por parte de desenvolvedores en todo o mundo)  programado en Python, contra unha base de datos relacional (PostgreSQL, Oracle, MS SQL, Sybase, MySQL) e con diferentes tipos de autenticación soportada (LDAP, SQL, sistema operativo). É unha aplicación baseada en código aberto e con licenza GPL. Pode utilizarse como servidor intranet ou extranet, un Sistema de Publicación de documentos ou coma unha ferramenta de traballo en grupo para colaborar entre entidades distantes xeograficamente. Frecuentemente é utilizado tamén como CRM, aínda que ese non fora o seu cometido nun comezo. Recentemente acaba de saír a versión 3.0, aquí podemos ver algunhas das novas funcionalidades.