Unison é unha aplicación de sincronización de ficheiros e directorios multiplataforma que permite ter réplicas actualizadas entre distintas máquinas. Entre as súas características destacan:

• É multiplataforma, traballando en sistemas baseados en Unix (GNU/Linux), MS Windows e MacOS X, sincronizando desta forma máquinas de diferentes plataformas.
• Monitorizar os cambios producidos en ambas réplicas e propagar as diferenzas tendo os contidos en ambos sistemas, diferenciándose dos sistemas de backup que so fan copias unidireccionais.
• As conexións pódense realizar a través de túneis SSH (Secure Shell), garantindo seguridade nas conexións entre equipos.
• É tolerante a erros na comunicación mantendo a integridade dos ficheiros.
• Conta cunha interface GTK que facilita a utilización do mesmo.
• Está baixo a licenza GNU/GPL.