Mancomun.org - Centro de Referencia e Servizos de Software Libre de Galicia - SugarCRM 5.1 inclúe melloras nos informes e unha mellor experiencia de uso en dispositivos móbiles

SugarCRM 5.1 inclúe melloras nos informes e unha mellor experiencia de uso en dispositivos móbiles

escrito por fjrial o Venres, 29 de Agosto do 2008

Acaba de saír á luz a versión 5.1 de SugarCRM, aplicación de Xestión de Relación con Clientes (Customer Relationship Manager-CRM) que é usado polas empresas para xestionar a relación cos seus clientes incluíndo a análise e captación destes, almacenaxe e listaxe dos seus datos así como dos provedores e socios e a información interna.

A nova versión inclúe, entre outras melloras, novos informes e posibilita o uso da interface de SugarCRM en dispositivos móbiles, como por exemplo os BlackBerry® e os iPhone™.

A versión da comunidade de SugarCRM 5.1 está dispoñible para descarga desde http://www.sugarforge.org/content/downloads

As novas características da versión 5.1:

Sugar 5.1 ofrece novas características e melloras na experiencia do usuario e nas funcións de administración da aplicación, incluíndo:

Informes e analíticas avanzadas con soporte para datos complexos, filtros en tempo de execución, integración con folla de cálculo,...
Nova interface HTML Wireless que ofrece unha mellorada interface de usuario, novas capacidades de busca e soporte para BlackBerry® e iPhone™.
Melloras na importación de datos, facéndoas máis sinxelas que nunca, importando datos de Excel, Act!, Outlook e Salesforce.com.
Informes de seguimento que dan unha imaxe xeral do uso do sistema.
Melloras no creador de módulos que permiten novos tipos de relacións, auditorías, etc...

Máis información en:
http://www.sugarcrm.com

BlackBerry é os produtos RIM, incluíndo as marcas relacionadas, imaxes e símbolos, son marcas rexistradas de Research in Motion Limited.

O iPhone é unha marca rexistrada de Apple Inc.