SQLDesigner é unha ferramenta que nos permite crear facilmente o modelo de datos e as relacións entre as táboas da nosa base de datos. E non só iso, senón que podemos importar e exportar o modelo a un ficheiro XML e xerar os scripts SQL correspondentes ao modelo para diferentes bases de datos como Oracle, MySQL, Postgres, MSSQL, etc.  A súa licenza é GPL Versión 2.

 

Pódese descargar desde a súa páxina oficial, para iso é preciso montar un servidor que soporte Php, outra opción é executalo en liña. O seu uso non é moi complexo, vanse creando as táboas e sobre cada táboa engadindo os campos da mesma. Cando haxa que facer unha relación entre 2 táboas (chave foránea) simplemente hai que arrastrar o campo dunha delas cara á outra (mediante Arrastrar e Soltar). Para eliminar relacións, hai que escoller o campo correspondente e pulsar sobre “Borrar campo”.