Roberto Brenlla, economista e membro fundador de AGNIX, difundirá a experiencia galega en materia de Software Libre en Angola no que será o I Foro de Software Libre en Angola e que se celebrará entre o 25 de xuño e o 1 de xullo.

A través do seu blog persoal, Brenlla confirmou hoxe mesmo que asistirá a este evento sobre Software Libre en Luanda (Angola), que está a ser organizado polo angolano Marcio Cándindo e o carioca Marco Lima, participante este último nas "Xornadas Galego Lusófonas do Porriño " organizadas por AGNIX no 2006.

Segundo explica Brenlla, “a idea é expoñer as experiencias galegas nesta materia desde diversas perspectivas (comunitaria, asociativa, desenvolvedora, política, empresarial e cultural) abrindo lazos de irmandade lusófona entre as comunidades aló presentes: portuguesa, brasileira, angolana e galega”.

---

Artigos relacionados

• Xornada de Software Libre en Rianxo
• Novos cursos de Software Libre da Rede de Dinamización e novo centro en Monte Porreiro
• Workshops en Software Libre para maio, xuño e xullo organizados por Audiência Zero
• AGNIX dará un relatorio de SwL no IES San Rosendo de Mondoñedo
• Invitación á II Xornada SOURCEPYME: Software libre na empresa. Modelos de negocio