Mozilla Foundation apuntouse unha gran vitoria na súa pugna con Microsoft ao rexistrar máis de 8,3 millóns de descargas en todo o mundo da súa nova versión do navegador Firefox 3. A cifra, que se podía seguir en tempo real nunha páxina web preparada ao efecto por esta comunidade, alcanzouse durante o bautizado Download Day.

Estes resultados poden contribuír a fortalecer a expansión de Mozilla Foundation no segmento dos navegadores de internet. Antes do lanzamento da nova versión, a cota de mercado global de Firefox era do 17%, por baixo do 72% do Explorer de Microsoft e por encima do 5% do Safari de Apple. Os creadores de Firefox, que recordan que Explorer controlaba máis do 95% deste mercado a principios desta década (tras a derrota final do Netscape) aspiran a que o seu navegador supere a cota do 20% en todo o mundo e se achegue á que ten en Europa actualmente, que rolda o 25%. En España, Firefox ten en torno ao 22% do mercado de navegadores de internet.