Phone Manager é un programa feito para permitir o control dalgunhas funcións dos teléfonos móbiles. Está licenciado baixo GPL.
Este software aínda está inmaduro, e algunhas das súas características son:

• Executase como servizo, indicando o estado na barra de estado
• Mostra unha alerta cando chega unha mensaxe (SMS)
• Facilita o envío de mensaxes de texto (SMS)

Nun futuro agárdase que teña outras melloras como a integración coa axenda de enderezos, monitorización e marcado de chamadas,etc

Soporta calquera tipo de móbil que poida conectarse ao computador por un porto serie: vía Bluetooth, infravermellos ou un cable serie. Soamente require a versión 2.10.x das GTK+, o subsistema GNOME Bluetooth e a biblioteca libgnokii.