O OpenOffice.org vén de adscribirse ao Consorcio Unicode. Con esta afiliación OpenOffice.org non só se compromete a traballar sobre un código estándar senón a contribuir á súa difusión.

Os socios do Consorcio representan un amplio espectro de corporacións e organizacións na industria da informática e da computación. Esta entidade está respaldada economicamente e de xeito exclusivo polas aportacións dos seus socios. A afiliación ao Consorcio Unicode está aberto a organizacións e individuos de todo o mundo.

 

O Consorcio Unicode é o responsable da especificación e expansión do conxunto de carácteres ISO/IEC 10646 (estándar internacional). Este é o conxunto dos diversos carácteres (letras, números, símbolos, ideogramas, logogramas, etc.) procedentes de moitas linguaxes, scripts, etc así como das diversas tradicións de puntuación existentes en todos os idiomas do mundo. A inclusión de novos carácteres a este estándar é constante facendo que o conxunto este permanentemente actualizado.