OOoLilyPond é unha macro para OpenOffice.org que simplifica a inserción e edición de partituras no OpenOffice.org Writer, Impress e Draw. Pódese empregar para escribir un libro sobre a teoría da música ou escribir exercicios para instrumentos de música ou voces que deben ser comentados con texto.

A notación musical pódese inserir empregando a linguaxe de LilyPond e posteriormente incrústase a imaxe do pentagrama no documento de OpenOffice.org.

Leva un tempo familiarizarse coa linguaxe coa que traballa LilyPond, pero unha vez aprendida, as pezas de música créanse moito máis rápido que con calquera outro software. Existen aplicacións que traballan como frontais para lilypond e facilitan a creación de partituras dun modo gráfico, este é o caso de Denemo ou Rosegarden.

^{Pantallazo de OOoLilyPond, OpenOffice.org e Denemo traballando conxuntamente.}

OooLilyPond pódese descargar dende Sourceforge e a súa instalación é moi sinxela.

---

Artigos relacionados

• MuseScore xa está dispoñible en galego
• Comeza un curso de procesador de textos Writer no concello de Pontevedra
• Descarga o OpenOffice.org 3.0.0 en galego
• Nova versión Release Candidate (e van pola terceira) do OpenOffice.org 3
• Dispoñible a primeira RC de OpenOffice.org 3.0