Hai uns días faciámonos eco do lanzamento de VIA-LINUX, o portal de Software Libre dun dos maiores fabricantes de procesadores x86, VIA.

Pois ben, VIA xa comezou a publicar software no portal e xa hai dispoñibles controladores para a nova Ubuntu 8.04LTS e SUSE Linux Enterprise Desktop 10 do chipset VIA CN896. A documentación e o código fonte aínda non están dispoñibles máis esperan presentalo nas próximas semanas, e contra finais de ano implementarán os foros e ferramentas de notificación de erros...

Segundo Chris Kenyon, director de desenvolvemento e negocio de Canonical "Esperamos traballar con VIA para garantir que estes controladores se integren en Ubuntu por defecto e que os desenvolvedores e usuarios de Ubuntu desfruten dunha gran experiencia cando usen as plataformas de VIA"

"VIA está ilusionada por adoptar un papel máis activo dentro do ecosistema do código aberto" asegura Richard Brown, Vicepresidente de Marketing corporativo de VIA. "A posta en marcha do portal VIA-LINUX supón un paso importante na nosa iniciativa a longo prazo en relación ao código aberto, e ofrecer soporte para Ubuntu, unha das distribucións máis coñecidas, é o comezo ideal".

Fonte da nova:
http://www.laflecha.net

---

Artigos relacionados

• Xa se atopa dispoñible a nova versión de Ubuntu, Ubuntu 8.10 Intrepid Ibex
• O galego na posición 34º nos usuarios de Ubuntu 8.04 a nivel mundial
• Wikimedia muda os seus servidores a Ubuntu
• Cursos de SwL no Centro de Novas Tecnoloxías de Galicia
• gOS, unha distribución baseada en Ubuntu para ultraportátiles