| O Goberno de Ecuador promove o uso do Software Libre nas entidades públicas |
|
|
|
|
O Goberno Nacional de Ecuador promove o uso do Software Libre nas entidades públicas a fin de contar con maior seguridade informática, libre acceso a datos e programas, aforro no custo de licenzas e a xeración de emprego para os profesionais ecuatorianos.
Neste contexto, a Subsecretaría de Informática da Presidencia da República entregou os diplomas de acreditación aos funcionarios dos ministerios de Deporte e de Cultura, quen polo espazo de dous meses recibiron capacitación sobre o uso e manexo de folla de textos, folla de cálculo, presentacións, correo electrónico e navegador como ferramentas do Software Libre. Un dos responsables sinalou que se escolleu a mellor tecnoloxía que se ten a man, deixando de lado o uso de ferramentas propietarias, tras salientar que na administración pública debía darse o paso de migración cara o Software Libre, as súas palabras textuais foron “porque non é xusto que se pague 400 dólares por unha licenza”. Así mesmo anotou que a capacitación dos 149 servidores públicos dos dous ministerios durou dous meses e contou coa asistencia de instrutores da Asociación de Software Libre. Fonte: Presidencia.gov.ec    Artigos relacionados
|
