Os documentos con formato aberto Opendocument (ODF) teñen dende hai uns días novo distintivo para a súa identificación. Despois das diversas propostas presentadas dende principios de ano, está xa dispoñible unha versión oficial de ODF.

A Comisión de adopción OASIS ODF presentou o novo logotipo co propósito de ofrecer unha imaxe homoxénea a través dun deseño sinxelo, reconocible e libre, o cal “pon de manifesto a solidariedade da comunidade ODF en todo o mundo”. O logotipo está baseado nun deseño de Red Hat cunha adaptación do símbolo OASIS creado por Sun.

A pomba que nel aparece é adaptable a sinais de formato apaisado, camisetas, webs, presentacións gráficas... Ademais, o logotipo permite incorporar un eslogan opcional “Liberate Your Documents”, que pode ser traducido a calquera outra lingua.

A comunidade ODF convida a calquera persoa que apoie o formato a descargar e a usar o logotipo sen coste ou restrición. Iso si, adaptándose as liñas establecidas polo manual de uso).

---

Artigos relacionados

• IBM e Sun Microsystems presentan ODF Toolkit, unha librería unificada para o formato OpenDocument
• CENATIC presenta un visualizador de documentos de texto baseados en estándares abertos para móbiles
• Manual básico de identidade corporativa
• OpenDocument é estándar da OTAN
• Mozilla México busca novo logotipo