O Newseum de Washington, D.C. (USA) foi o escenario escollido por Sir Tim Berners-Le, considerado o creador da web, para anunciar a creación da World Wide Web Foundation, unha entidade que terá como obxectivo que a humanidade se conecte mediante a tecnoloxía e cuxa misión se resume en "avanzar cara a unha web que sexa libre e aberta, expandir a capacidade e solidez da web e estender os seus beneficios a toda a xente do planeta"

A entidade quere unir a líderes, gobernos, organizacións non gobernamentais, universidades e expertos en diferentes áreas para cumprir con estas metas, financiando proxectos de investigación, tecnoloxía e desenvolvemento social ao redor do mundo, cos cales se buscará beneficiar e conectar ás comunidades máis necesitadas.

Aínda en etapa de desenvolvemento e en busca de almas xenerosas que doen diñeiro, a World Wide Web Foundation espera ver a luz oficialmente a comezos de 2009, momento en que tamén esperan anunciar as primeiras medidas concretas para facer que a rede de redes sexa accesible para todos.

---

Artigos relacionados

• A OSBF concederá un premio por valor de 78.000 euros no Open Source Business Award 2009
• Gran Canaria acollerá as xornadas Guadec e Akademy en 2009
• A Coruña presenta a súa candidatura para a Akademy e GUADEC 2009