Xa está dispoñible a versión 0.3.1 de TNTConcept que incorpora melloras e correccións sobre a súa predecesora. Xunto con este lanzamento tamén se publicou unha versión de demostración do proxecto na que se pode probar todas as funcionalidades da aplicación.

TNTConcept é unha ferramenta Web, baixo licenza GNU/GPL, para xestionar os procesos básicos dunha pequena empresa de servizos. Este software pode ser de utilidade para empresas de servizos, profesionais independentes ou departamentos de desenvolvemento.

Entre as novidades da nova versión (0.3.1) destacan a:

• Incorporación de novos campos en multitude de táboas (foto, xerarquía de empresa, datos de contratos, etc.).
• Inclusión de información sobre campos obrigatorios.
• Validacións en campos.
• Posibilidade de emitir facturas dende o sistema e importar os datos das mesmas desde os partes de actividade.
• Control de facturas recibidas (para cálculo de taxas soportadas e repercutidas).
• Novos formatos de informes.

Para ver en máis detalle todas as funcionalidades convén ler o titorial ou consultar a web do proxecto.

---

Artigos relacionados

• Unha cadea hostaleira líder nas illas Canarias implanta o ERP openXpertya
• Openbravo mostra ás Pemes españolas as vantaxes de traballar con ERP en SwL
• Codeka, nova aplicación de facturación, terminal de punto de venda e control de almacéns para a PEME
• Mancomún imparte este mes un curso de contabilidade con AbanQ no concello do Grove
• Mancomún renova o directorio de empresas de SwL para a súa dinamización