Ubiquity, un novo experimento de código aberto, podería permitir a usuarios non técnicos crear aplicacións web híbridas, ou mashup

Mozilla Labs vén de presentar Ubiquity, un prototipo deseñado para permitir a usuarios non técnicos crear mashup dunha maneira máis fácil e produtiva, creando, en definitiva, comandos entendibles.

Os mashup permiten que calquera persoa combine, de forma innovadora, datos que existen en diferentes páxinas web para crear un novo contido completo, consumindo servizos sempre a través de protocolo http. Até agora a súa creación estaba restrinxida aos programadores e desenvolvedores de aplicacións, pero este novo proxecto de Mozilla quere levar o control ás mans do usuario final, permitíndolle executar tarefas como a tradución en pantalla ou a procura en sites como Google ou Amazon.

Ubiquity é un experimento de Mozilla Labs que busca atopar novos interfazes de usuarios que poderían facer posible a todo o mundo facer tarefas comúns máis rápida e facilmente. A primeira versión da aplicación (0.1) está dispoñible para a súa descarga. O código do experimento Ubiquity está a lanzarse como software de código aberto baixo a tripla licenza GPL/MPL/LGPL.

Máis información

---

Artigos relacionados

• Taller de creación de complementos de Firefox
• A web de complementos de Mozilla alcanzou a cifra de mil millóns de complementos descargados
• Mozilla lanza "Fashion Your Firefox", unha aplicación para personalizar o navegador
• Acércase a fin do período de soporte oficial de Firefox 2 por parte da Fundación Mozilla
• Mancomún participará no Mozilla Camp Europe