| Mozilla lanza a primeira versión de desenvolvemento do Thunderbird 3 |
|
|
|
| escrito por mancomun.org o Xoves, 15 de Maio do 2008 | |
 A comunidade desenvolvedora de Thunderbird xa pode acceder á primeira versión de desenvolvemento de Thunderbird 3. Esta versión está dirixida exclusivamente á comunidade desenvolvedora para a súa validación e está encamiñada á introdución de melloras para a actualización do xestor de correo. O lanzamento desta nova versión foi inesperadamente adiantado por Mozilla debido a presentación do que deron en chamar Mozilla Messaging. Esta trátase da nova fundación subsidiaria creada por Mozilla coa intención de que o desenvolvemento de Thunderbird non quedase estancado por mor do grande éxito de Firefox. Deste xeito, Mozilla Messaging orientarase cara a aplicacións de caracter comunicativo (axenda de eventos, busca optimizada...) Baixo esta perspectiva de mellora, a versión de Thunderbird 3 opera sobre Gecko 1.9, un motor de renderización que actúa igualmente como plataforma. Este sistema xa foi empregado anteriormente no desenvolvemento de Firefox 3 ofrecendo soporte para JavaScript 1.8.
Capturas de pantalla da nova versión de Thunderbird:
   Artigos relacionados
|
