Unha das características máis valoradas dos programas da fundación Mozilla e en especial do navegador Firefox, é o seu alto grao de personalización e ampliacións con milleiros de complementos, a base de extensións, temas ou plugins que están dispoñibles. Hoxe, venres 1 de febreiro, desde os blogues da compañía anuncian cifras de vertixe que confirman a grande aceptación destes pequenos programas.

Segundo a información máis de 600 millóns de complementos (temas e extensións) foron descargados, todo isto sen contar as actualizacións das mesmas, con un ritmo diario entre 800.000 e un millón de descargas...

Con 4.000 extensións dispoñibles o sitio de descarga ten 4,5 millóns de visitas diarias, o que da unha idea da súa aceptación e interese e que acompaña ao número de descargas do propio Firefox que non para de medrar.

Sobre os complementos descargados polos distintos programas, a versión 2 do navegador Firefox loxicamente acapara o 93% das mesmas, con un 1% para as versións Alpha e Beta da versión 3.0 e un 4% para o cliente de correo Thunderbird.

Páxina dos complementos de Mozilla por aplicación:

• Complementos de Firefox
• Complementos de Thunderbird 
• Complementos de Sunbird

• Firefoxfalagalego (tradutor ao galego integrado en Firefox)
• Corrector ortográfico de galego para Firefox e Thunderbird
  

Fonte:
http://www.theinquirer.es

---

Artigos relacionados

• Novos proxectos na Forxa
• A web de complementos de Mozilla alcanzou a cifra de mil millóns de complementos descargados
• Mozilla lanza "Fashion Your Firefox", unha aplicación para personalizar o navegador
• Acércase a fin do período de soporte oficial de Firefox 2 por parte da Fundación Mozilla
• Novidades de Firefox 3.0.4