(LS)³ - Libre Streaming, Libre Software e Libre Standards (Open Media Streaming Project) é un proxecto en Software Libre para o desenvolvemento dunha plataforma para streaming de contidos multimedia. A plataforma está deseñada para soportar por completo o estándar IETF para transporte de datos en tempo real sobre IP. O obxectivo do proxecto é prover unha solución aberta, libre e interoperable coas aplicacións de streaming privativas existentes que na actualidade dominan o mercado.

Unha pequena comunidade de desenvolvedores, composta na súa maioría por estudantes e investigadores universitarios, desenvolven todo o traballo das versións do servidor de streaming Fenice e do reprodutor NeMeSi conforme aos estándares da IETF. Tanto o servidor coma o reproductor distribúense baixo licenza GPL.

Na actualidade o grupo está a traballar nun novo servidor de streaming (Feng) e tamén mantén o desenvolvemento dunha biblioteca cliente rtsp en C (libnemesi).

---

Artigos relacionados

• Segue en directo a Conferencia Internacional de Software Libre de Málaga
• Un sistema de vídeo chat con código aberto unirá Galiza con Latinoamérica en 2009
• Acaba de saír Puppy Linux 4.0
• As conferencias de FOSDEM estarán dispoñibles a través de streaming
• Nova versión do media center Elisa