Warzone 2100 é un xogo de estratexia 3D en tempo real, o seu código fonte foi liberado en decembro de 2004. Esta versión de Warzone 2100 foi feita con SDL, OpenGL, OpenAL, e outras ferramentas. Pode executarse en diferentes plataformas entre as cales están Windows, GNU/Linux e BSD, incluso se pode xogar en rede a pesar de estar en diferentes sistemas operativos.

A compañía desenvolvedora pechou e os propietarios do copyright do xogo, Eidos Interactive, pasaron o motor do xogo a GNU. Os seguidores desta saga crearon esta versión que che ofrece o mesmo divertimento do xogo orixinal, xa que a súa natureza segue sendo a mesma, aínda que  con algúns cambios estéticos, sobre todo.