Freeciv é un videoxogo de estratexia por quendas, inspirado no xogo Civilization. É software libre, está licenciado baixo a GPL, ademais de ser gratuíto. Esta incluído en numerosas distribucións GNU/Linux, ademais está dispoñible para outros sistemas operativos como Windows e Mac, posto que está escrito na linguaxe C de programación pódese compilar sen problemas. A última versión dispoñible saiu en agosto, é a 2.1.0-Beta.

 

Comeza no ano 4000 a.C., cada xogador é o líder dunha tribo nómade que se deberá asentar e ir fundando cidades, investigando tecnoloxías, desenvolvendo infraestruturas ou marabillas, establecer relacións diplomáticas e crear exércitos.

O xogo finaliza cando:

•   sobrevive unha única civilización ao erradicarse as demais
•   cando se consegue enviar unha nave para colonizar un planeta exterior
•   ou cando se supera unha certa data, na que finalmente gañará o xogador mellor puntuado, dependendo do tamaño do estado, a saúde dos cidadáns, a cultura e os avances científicos conseguidos puntúase a cada xogador.

Páxina oficial: Freeciv

Descarga: Sourceforge.net