O Instituto de Máquina Herramienta-IMH de Guipúzcoa vén de poñer a disposición de todos os internautas un curso básico de uso da ferramenta de software libre para o tratamento de imaxes, GIMP. Este curso está publicado baixo a licenza Creative Commons ShareAlike.

O curso aborda, a través dunha exposición clara e accesible para calquera usuario,  todas as funcionalidades da aplicación orientadas a un uso básico da mesma.

O  curso está dispoñible na rede nesta ligazón.

O Instituto de Máquina Herramienta-IMH é un centro de formación e innovación tecnolóxica ubicado en Guipúzcoa e orientado á prestación de servizos á industria e á comunidade en xeral, a través da formación técnica e da difusión tecnolóxica.

Dende o 1 de marzo está tamén dispoñible no repositorio oficial de GIMP   (na páxina de tradución de GNOME) a tradución ao galego da nova versión dentro da rama 2.4 de Gimp. Esta tradución foi realizada no Entrans de Mancomun.org grazas á coordinación oficial de Trasno.

---

Artigos relacionados

• Curso básico de Ubuntu 8.04 en portugués
• As mellores extensións para Firefox 3, segundo Mozilla
• Presentado o III Concurso Universitario de Software Libre
• O Centro da Rede de Dinamización de Cuntis pon en marcha dous obradoiros con Software Libre
• O OpenOffice.org 3 terá unha nova ventá de inicio, a cal se elixiu por votación