| Clúster con GNU/Linux substitúe un supercomputador para prevención de desastres |
|
|
|
|
O servizo meteorolóxico de Filipinas (PAGASA), substituíu con notable éxito un supercomputador SGI por un clúster GNU/Linux para procesar información vital que preveña desastres naturais como Tsunamis ou secas. Resultado: unha impresionante redución de custos.
O clúster inclúe 8 PCs con procesadores de dobre núcleo Xeon de 64 bits, conectados cun switch gigabit e con sistema operativo Debian GNU/Linux. A elección do sistema produciuse tras probas con RedHat, Mandrake ou Fedora, elixindo Debian pola súa estabilidade, segundo indicou Alan Pineda, o xefe de TIC de PAGASA.
A principal motivación para migrar a un sistema baseado en código aberto foi o custo. O funcionamento do SGI Irix custaba 5.200 dólares ao mes, mentres que o cluster de PCs con Debian reduciu os gastos a 260 dólares mensuais. Ademais o sistema poderá aumentar a súa potencia a un custo infinitamente menor incluído o custo de migración e a capacitación, indicou Paneda. Fonte: Theinquirer.es    Artigos relacionados |
