O desenvolvemento de Gimp 2.6 está centrado sobre todo na implementación deste novo motor gráfico. Mentres que a maioría dos cambios non serán visibles polo maioría dos usuarios, outros pola contra si o serán:

Os menús duplicados tanto na ventá de aplicación como na ventá da imaxe desaparecerán. A partir desta versión, só se mostrará un menú na ventá de imaxe.

• Melloras na ferramenta de selección libre: engádese a posibilidade de seleccionar usando a edición libre e despois combinar esta selección con outras que fagas, de forma que poderás seleccionar formas libres con outras con formas poligonares. 
• Novas características de usabilidade na ferramenta de texto: aínda non se sabe se chegarán a estar presentes na versión definitiva de Gimp 2.6, mais os desenvolvedores están traballando na mesma.
• Mellora na barra de estado da aplicación que agora nos dá moita máis información.
• Mellora na xestión das curvas, podendo gardar as túas curvas para aplicalas a outras imaxes.
• Soporte opcional de GEGL: poderás decidir se as túas imaxes se renderizarán usando o novo motor gráfico ou non.