Alfresco Software, un referente en xestión de contidos para empresas (ECM - Enterprise Content Management), vén de publicar unha serie de Gadgets de Google para que os seus usuarios poidan usar as funcionalidades do seu software desde a páxina iGoogle. Estes gadgets son mini-aplicacións que podemos colocar na nosa páxina principal de iGoogle e que nos dan acceso rápido a unha serie de servizos de Alfresco.

Deste xeito, a xente que traballa en xestión de coñecementos en entornos empresariais poderán xestionar, crear e editar contidos de negocios co obxectivo de incrementar o rendemento grazas ao acceso ás potentes capacidades ECM de Alfresco. Brinda a posibilidade de montar un portal ao gusto do usuario consistente nunha combinación ou mashup de contidos de fontes tanto internas como externas.

Os Gadgets están dispoñibles dende sourceforge e instálanse en catro pasos.

Fonte: Aplicaciones Empresariales 

---

Artigos relacionados

• Xornadas sobre Alfresco na Coruña
• Acaba de saír o código fonte de Android, o sistema operativo de Google para móbiles
• Google lanza un navegador Open Source
• O Goberno de Quebec demandado por ignorar o Software Libre
• Un buscador exclusivo para Ubunteros