Mancomun.org - Centro de Referencia e Servizos de Software Libre de Galicia - Oferta de emprego na Oficina de Software Libre da USC

Oferta de emprego na Oficina de Software Libre da USC

escrito por mancomun.org o Luns, 30 de Xuño do 2008

O Departamento de Electrónica e Computación da USC vén de publicar dúas ofertas de emprego para a Oficina de Software Libre da USC:

No mes de xullo bótase a andar, en base a un convenio entre a USC e a Consellería de Innovación e Industria, a Oficina de Software Libre da USC. Para facerse cargo da mesma, precísanse dúas persoas a tempo completo, unha como coordinador e outra como técnico, con experiencia no mundo do Software Libre.

PERFÍS:

Coordinador. Capacidade e experiencia demostrable en xestión de recursos e organización de actividades de formación e difusión no ámbito de Software Libre.
Técnico. Capacidade e experiencia demostrable en soporte técnico para a organización de actividades de formación e difusión no ámbito de software libre e experiencia no desenvolvemento e mantemento de portais web.

FORMA DE CONTRATACIÓN. No caso do coordinador será un contrato e no caso do técnico será unha bolsa.

DURACIÓN. Desde xullo de 2008 ata decembro de 2009.

SOLDO APROXIMADO. 1733 euros brutos/mes, no caso do coordinador, e 1200 euros brutos/mes, para o bolseiro.

LUGAR DE TRABALLO. En Santiago de Compostela, no Campus Sur da USC.

SELECCIÓN DE CANDIDATOS. Os/as interesados/as deben enviar o seu Curriculum Vitae e expediente académico detallado ao enderezo electrónico atic.software@usc.es. A data límite para a recepción de solicitudes é o 4 de xullo de 2008.

Máis información na fonte orixinal da nova ou en atic.software@usc.es.

Oferta enviada á rolda de ofertas de emprego de Mancomún:
http://listas.mancomun.org/mailman/listinfo/ofertas_emprego_software_libre