Dende a Fundación Cultural da Estrada nos informan da convocatoria de emprego para a contratación de dous Técnicos/as de Formación en novas tecnoloxías, mediante o proxecto ‘aestradadixital’, por obra e servizo, para o proxecto ‘aestradadixital’; Formación.

As funcións a desempeñar dende o posto de traballo serán as seguintes:

• Impartición do plan de alfabetización dixital 2007-2008 no entorno rural e urbán. O horario da impartición será maioritariamente de tarde.
• Configuración de equipos e redes das aulas onde se impartirá a formación.
• Calquera outra acción na liña das anteriores que sexan precisas para a boa marcha da actuación.

O proceso de selección efectuarase mediante concurso de méritos e entrevista persoal ó/á candidato/a, consultar as bases da convocatoria (enviadas pola Fundación Cultural da Estrada) para ver os detalles.

 

Para participar no proceso é preciso enviar currículo á seguinte dirección de correo electrónico: administracion.fundacion@aestrada.com antes do 4 de xaneiro.