Marcelo Tosatti, un dos membros do proxecto OLPC (One Laptop Per Child), tamén coñecido anteriormente como o portátil de 100 dólares, estivo na Campus Party amosando unha versión final do mesmo (prema en ler máis para ver o vídeo).

O portátil amosado no vídeo corre sobre GNU/Linux, aínda que tamén afirmaron que funcionará sobre MS Windows.  

A iniciativa de Nicholas Negroponte e outros membros do MIT (Massachusetts Institute of Technology) e contando co apoio de Red Hat, sacou o seu primeiro computador en abril deste ano e xa comezou a súa implantación en países como Uruguai...

O proxecto pretende axudar na educación dos nenos de países en vías de desenvolvemento, pero tamén poderá ser comprado en países desenvolvidos ao dobre do seu custe, logrando con iso que chegue outra unidade de forma gratuíta a un país necesitado. A fabricación en masa xa comenzou e pretenden comezar a súa distribución a finais de ano.

Sobre Marcelo Tosatti comentar que é unha figura moi coñecida dentro do mundo do Software Libre, principalmente pola sorpresa que causou o feito de que Linux Torvalds o elixira, cando só tiña 17 anos, para ser o responsable do mantemento da versión 2.4 do núcleo de Linux.

Vídeo do OLPC na Campus Party:

Fonte da nova:
http://www.elotrolado.net

---

Artigos relacionados

• A Campus Party 2008 valenciana presentará as novidades no mundo do Software Libre
• Próxima posta a venda de ONE, outro portátil de baixo custo con GNU/Linux
• A 12ª Campus Party contará con talleres, competicións e conferencias sobre Software Libre
• gbrainy, xogo de adestramento mental
• O fundador de Ubuntu exporá a súa visión de Linux na Campus Party