| O comercio de Extremadura promoverá o emprego do Software Libre |
|
|
|
| escrito por USC o Xoves, 07 de Xuño do 2007 | |
|
As cámaras de comercio de Badajoz e Cáceres, firmaron un convenio de colaboración entre Fundecyt e o Centro Internacional de Referencia de Linux, para potenciar e promover o emprego do sistema operativo Linux nas empresas de Extremadura a través da realización das actividades recollidas neste convenio. As cámaras de comercio identificarán ás empresas de novas tecnoloxías de ámbalas provincias para conseguir unha maior difusión e emprego das solucións de Software Libre nas empresas. Segundo Fernando Herrera, presidente da Cámara de Comercio de Badajóz, o servizo será de balde para os usuarios e será posible a modificación do software para adaptalo ás necesidades dos empresarios...
Por outra banda o Centro Internacional de Referencia LINUX-CIRL, prestará axuda nos procesos de instalación do sistema operativo Linux/gnuLinex, Linex PYME 2006 e outras aplicacións realizadas sobre Software Libre, incluíndo axuda nos procesos de migración dende configuracións software propietarias. Finalmente Fundacyt aportará ao CIRL e ás Cámaras a información necesaria sobre gnuLinex e outras aplicacións de desenvolvemento propio que se poden derivar dos proxectos que se están a desenvolver actualmente.
Fonte:
   Artigos relacionados
|
