Gnome é un potente escritorio para plataformas GNU/Linux. Dende os seus comezos, no ano 1997, evolucionou rapidamente convertíndose nun dos escritorios libres máis usados, xunto co KDE. Actualmente inclúe moitas aplicacións, tanto para tarefas administrativas como para traballar diariamente co computador. É de destacar que Gnome presta especial atención á accesibilidade do seu escritorio.

 

O equipo de desenvolvedores de Gnome non descansa. Antes da versión 2.16 que está prevista para setembro, acaban de liberar unha nova versión, a 2.15.4 que inclúe melloras na velocidade, corrección de erros, novas aplicacións, etc. As notas completas sobre a nova versión están dispoñibles na súa web.

 

Fonte.- Gnome.org