Accerciser é unha ferramenta baseada en Python para comprobar a accesibilidade das aplicacións de GNOME. Permite aos desenvolvedores garantir a accesibilidade das súas aplicacións.

Unha aplicación informática é accesible cando proporciona os medios necesarios para que as persoas con discapacidade poidan acceder á súa interface. GNOME e GTK+ proporcionan a infraestrutura para acadar isto de xeito que unha aplicación desenvolvida para GNOME é probable que sexa accesible sen un gran esforzo, mais pode ser mellorada para facela máis usable por persoas con discapacidade. Esta ferramenta axudará a facer isto posible.

Algunhas das características de Accerciser son:

Complementos básicos:

Visor das interfaces: Este complemento dá a información e os controis básicos proporcionados polas distintas interfaces que teñen cada obxecto accesible. Por exemplo, cando se selecciona un botón , é posible ver o texto proporcionado na sección Texto e o botón premido na sección Acción.

Monitor de eventos: As tecnoloxías adaptadas baséanse nos eventos que emiten as aplicacións de escritorio a través do AT-SPI. Este complemento de Accerciser permite ver estes eventos cando ocorren. Ademais o usuario pode filtrar o tipo de eventos que quere monitorizar.

Máis información: 

GNOME journal

Gnome Accessibility Project

---

Artigos relacionados

• Proxectos e tecnoloxías baseadas en Software Libre que darán que falar no 2009
• Curso de informática con GNU/Linux no concello de Cuntis para persoas con diversidade funcional
• Webkit é o primeiro motor de renderizado dun navegador que pasa o test Acid3 ao 100%
• Saíu Gnome 2.24 e atópase traducido ao galego nun 99%
• O xestor de ficheiros Nautilus de GNOME terá separadores na versión 2.24 de GNOME