PostgreSQL 8.2 é a nova versión do motor de bases de datos relacional que inclúe melloras na autentificación de usuarios, un mellor optimizador e a habilidade de crear índices incluso cando un usuario está a modificar a taboa de bases de datos.

Segundo os responsables de PostgreSQL as vantaxes principais da nova versión son: 

• Numerosas melloras do rendemento; nun 20% (fronte a versións anteriores) para o procesamento de sistemas de alta carga de transaccións.
• Un mellor soporte do estándar ANSI SQL:2003.
• Mellores tempos de ordenación en memoria e disco.
• Maior escalabilidade en sistemas multiprocesador.
• Melloras na planificación de consultas.
• Mellores velocidades de carga de datos masiva.
• Unha implementación máis rápida de outer joins.

PostgreSQL é un proxecto libre que comezou hai 21 anos na Universidade de Berkeley e distribúese baixo licenza BSD que permite a súa distribución gratuíta para aplicacións comerciais e non comerciais.  

---

Artigos relacionados

• Sun Microsystems lanza unha nova versión do clúster MySQL
• SymmetricDS, sistema de sincronización de datos escalable
• GreenSQL, firewall de código aberto para bases de datos
• Sun Microsystems compra Innotek, a compañía desenvolvedora de VirtualBox
• SQL Power libera ferramentas para Business Intelligence