A web de Mancomun.org conta cunha nova opción de tradución automática ao castelán. Premendo na opción que aparece na esquina superior dereita a web cambiará de idioma automaticamente grazas ao sistema de tradución automática OpenTrad. A páxina en castelán é meramente informativa e non permite traballar como usuario rexistrado.

 

OpenTrad é un sistema de tradución automática desenvolvido por un grupo de empresas e universidades de todo o estado. O sistema usa as tecnoloxías libres Apertium para as linguas románicas e Matxin para o español-euskera. O motor lingüístico conta con licenza GPL e os dicionarios lingüísticos con Creative Commons. Opentrad recibiu premio da Asociación de Enxeñeiros de Telecomunicacións de Galicia á Mellor Aplicación TIC realizada no 2006.