Recentemente informamos sobre Traducíndote un proxecto que permite a tradución de documentos aos diferentes idiomas do estado ademais de ao inglés e ao portugués baseándose na tecnoloxía Apertium. Óscar Hermida, autor do proxecto, vén de crear un Wiki para mellorar os dicionarios do tradutor aberto á vosa colaboración.

Na súa primeira versión funcionaba baixo o formato aberto .odt aínda que, mediante unha conversión a través de OpenOffice.org, tamén podía ser empregado co formato .doc. Agora ademais é compatible tamén con documentos de LaTex, MySql, Abiword e novos formatos de OpenOffice.org. 

A aplicación pode modificar o idioma do documento mantendo o seu formato (táboas e imaxes incluídas) e conta con licenza GPL.

---

Artigos relacionados

• O goberno serbio aposta pola localización para promocionar o uso de aplicacións libres
• José R. Pichel: “É unha sorte ter tanta xente interesada na localización de software ao galego”
• Ciberirmandade da Fala extende a localización de SwL coa publicación dunha guía de localización
• A localización de Debian ao galego, a máis avanzada do estado español
• Imaxin presenta melloras no OpenTrad