O 25 de setembro a Rede de Dinamización da Sociedade da Información concluíu os obradoiros de elaboración de presentacións con Impress e procesador de textos Writer na SITE da Fundación CEL, ao que acudiron en total 11 persoas.

Estes obradoiros viñan realizándose desde o día 22 de setembro e tiñan unha duración de 6 horas.

No obradoiro de Impress os usuarios aprenderon a elaborar presentacións de forma sinxela co Impress, ferramenta de OpenOffice.org que é unha suite ofimática de software libre e gratuíta.

Outra das ferramentas do OpenOffice.org que se empregou noutro obradoiro foi o Writer, no que os asistentes coñeceron as posibilidades máis comúns para elaborar textos e darlles formato.

Logo destes obradoiros a aula SITE permanecerá pechada até novo aviso...

---

Artigos relacionados

• Curso de iniciación á informática con GNU/Linux en Castrelo do Miño
• Comeza un curso de procesador de textos Writer no concello de Pontevedra
• IBM e Sun Microsystems presentan ODF Toolkit, unha librería unificada para o formato OpenDocument
• Aberto o prazo de inscrición para a Ludus Party .Net 2008
• Curso de Writer no concello de Monforte de Lemos