mancomun.org - Centro de Referencia e Servizos de Software Libre de Galicia

Nova versión de Traducíndote

escrito por mancomun.org o Xoves, 20 de Setembro do 2007

Hoxe, Oscar Hermida vén de facer pública a nova versión da aplicación Traducíndote así como a nova web traducindote.com

Como xa temos comentado dende aquí, Traducíndote permite a tradución de documentos de texto aos diferentes idiomas do estado ademais de ao inglés e ao portugués baseándose na traductor automático Apertium.

A nova versión engade a posibilidade de traducir documentos que estean creados no formato pechado .doc de Microsoft.

Este novo formato engádese aos formatos xa soportados nas anteriores versións, quedando a lista como segue:

OpenOffice: documentos creados no procesador de textos Writer, presentacións de Impress, follas de cálculo Calc e documentos xenerados con Draw e Math
Microsoft Office: procesador de textos Word.
Abiword: procesador de textos libre.
LaTex: potente procesador de textos libre para composicións tipográficas mediante comandos TeX.
MySql: sistema xestor de base de datos. Traducíndote admite as copias de seguridade das bases de datos, traducindo o contido das táboas.

A aplicación modifica o idioma do documento mantendo o seu formato (táboas e imaxes incluídas) e conta con licenza GPL.

Fonte: Oscar Hermida

Colabora!

Axuda

Formulario de acceso

Entrevista

Artigos relacionados

Destacado

Eventos

Destacado en A Forxa

2008 mancomun.org - Centro de Referencia e Servizos de Software Libre de Galicia Esta obra está baixo unha licenza de Creative Commons Feito con Joomla!