| Colabora coa tradución do Thunderbird 2.0 a través do Entrans |
|
|
|
| escrito por mancomun.org o Venres, 29 de Xuño do 2007 | |
 Está dispoñible no Entrans, a ferramenta de tradución colaborativa de Mancomun.org, as cadeas que faltan para adaptar ao galego a versión 2.0 do cliente de correo Mozilla Thunderbird. Mancomun.org solicita a axuda dos voluntarios para traducir unhas 300 cadeas que permitirán actualizar a versión galega desta aplicación. Entre as características de Thunderbird podemos salientar que soporta os protocolos IMAP e POP, ademais do formato HTML; inclúe unha axenda persoal de enderezos; ten un poderoso motor de busca rápida; filtros avanzados de mensaxes; xestión do correo lixo con autoaprendizaxe; posibilidade de integración con extensións de criptografía; permite ler RSS, etc. No portal tamén podes atopar a tradución ao galego do Thunderbird 1.5 e o Firefox 2.0 e en galician.mozdev.org está dispoñible unha versión pre-alpha da versión galega do Thunderbird 2.0 .
   |
