Mañá en Xogo é un novo medio de comunicación de información deportiva cuxa edición electrónica foi integramente desenvolvida en Software Libre. Pretende dar a coñecer a actualidade dos eventos deportivos antes de que estes se produzan e non despois coma fan os medios convencionais.

 

Este novo medio contará cunha tirada en papel de 3.000 exemplares que se distribuiŕan maioritariamente na provincia de Lugo. Mañá en Xogo fará unha especial cobertura do deporte na Terra Chá e en Lugo Centro sendo un medio aberto á participación e dirixido a profesionais da Educación, especialistas en Educación Física, deportistas amateurs, firmas deportivas, e todos os interesados no deporte en xeral.