Vimos de publicar unha nova versión do DVD da PEME. Esta nova versión inclúe moitos máis programas localizados ao galego segundo a normativa oficial do 2003, corrixíronse erros detectados na versión anterior e actualizáronse as versións das distintas aplicacións.

Solicitamos a colaboración de todos vós para a revisión e mellora do produto. Agardamos as vosas suxestións, achegas, erros... a través do noso enderezo electrónico.

En breve faremos unha tirada grande deste DVD para poñer á vosa disposición. Polo momento podedes consultar o contido do DVD na dirección peme.mancomun.org .

Queremos agradecer especialmente o traballo voluntario e desinteresado levado a cabo por empresas, asociacións e persoas voluntarias galegas na tradución das distintas aplicacións. Grazas a todas estas persoas por adicar parte do seu tempo de ocio a colaborar ao espallamento do Software Libre e ao achegamento do galego ás TIC.

• eGroupware - Ilumax Software, S.L.
• WordPress -  Tagen Ata Lingua e Comunicación
• GIMP - Trasno e voluntarios a través do Entrans de mancomun
• B2evolution - profesorado de secundaria a través do Entrans de mancomun
• Suite Mozilla - voluntarios do Entrans de mancomun
• MoinMoin - Oficina de Software Libre da UDC

Agradecer tamén os servizos profesionais prestados polas empresas que revisaron e corrixiron estas traducións voluntarias e que realizaron a tradución das demais aplicacións por encargo de mancomun.org: imaxin|software, Tagen Ata, Reverso SL, Igalia, AICA SL, Queres Tecnologias, Sinnexus informática estratéxica e Isonor .

A continuación detallamos as aplicacións incluídas no DVD, que, na medida do posible, inclúen versión para todas as plataformas. Mencionar tamén que para a mairoría delas xa está dispoñible a tradución ao galego nas páxinas oficiais e as que non o estarán en breve.

Oficina:

• OpenOffice.org (Programas de ofimática)
  
• Mozilla Thunderbird (Xestor de correo)
  
• Mozilla Firefox (Navegador web)
• Pidgin (Mensaxería instantánea)
• Mozilla Sunbird (Axenda)
• Gimp (Retoque fotográfico)

• OpenBravo (Planificación de recursos empresariais)
• Tiny ERP (ERP/Contabilidade)
• Hipergate (Traballo en grupo e xestión de clientes)
• Libre POS (Terminal Punto de Venda)
• Alfresco (Xestor documental)
• Pentaho (Business Intelligence)
• Eticket (Xestor de incidencias)
• Openproj (Xestor de proxectos)
• Oscommerce (Comercio electrónico)
• SugarCRM (CRM)
• OpenXpertya (ERP)

• Cyclos (Bancos de tempo)
  
• WordPress (Blogue)
• eGroupware (Traballo colaborativo)
• B2Evolution (Multiblogue)
• MoinMoin (Wiki)
• Typo3 (Xestor de contidos)

---

Artigos relacionados

• Publicados os informes sectoriais do uso do SwL en Galiza
• Aula TIC-PEMEs organiza as I Xornadas de Aplicacións de Software Libre para Asociacións Empresariais
• 'Q' DVD-Author chega á súa versión 1.0
• Nova versión do Egroupware coa tradución ao galego
• A Generalitat de Catalunya desenvolverá unha suite libre orientada á microPEME e a autónomos