A emprega Igalia acaba de publicar a última versión da documentación para a súa aplicación PHPReport 1.5. Esta versión de PHPReport inclúe novidades como internacionalización, novas páxinas de xestión/informes ou gráficas de datos melloradas. Os manuais de instalación, administración e guías de usuario están dispoñibles para a comunidade na seguinte ligazón: Descargas en Igalia. Tamén hai dispoñible unha demo online para probar a aplicación:
http://community.igalia.com/twiki/bin/view/PhpReport/WebDemo

Ademais, algúns dos membros de Igalia (Alberto García e Mario Sánchez) que desenvolveron a aplicación Vagalume, da que xa temos falado en Mancomún, veñen de estar presentes en California na cerimonia de entrega dos premios "Mobile Rules! Awards" xa que Vagalume era finalista na categoría de aplicacións multimedia. A mágoa foi que desta vez non conseguiron levarse o premio; premio que por certo se levou a aplicación MyStrands.

---

Artigos relacionados

• Aberto o prazo de solicitudes de traballo en prácticas en Igalia
• Novidades no reprodutor de Last.Fm Vagalume
• Máis información sobre a Guademy 2008 e propostas de relatorios
• Como configurar extensións no TYPO3
• DudesConf 2008 en Coruña o 2,3 e 4 de maio